Flash Info1
  • Français
  • English
  • Corse
 

Avete dumande ?

Aéroport de Calvi > Avete dumande ?

Ritruvate a lista di e dumande chì omu si pone u più !

Induve possu truvà un carrettu per e mo valisge ?

I carretti sò davanti à l’aerostazione vicinu à u latu di e partenze.

Sò una persona in cundizione di debulezza. Chì mi tocca à fà ?

E mudalità PHMR e pudete truvà in issa rubrica :

PHMR

Chì sò e regule chì mi tocca à rispettà per i prudutti liquidi da purtà in cabina?

In cabina pudete purtà prudutti liquidi à cundizione ch’elli cuntenghinu menu di 100 ml è ch’elli pesinu menu di 100 g. Per cunnosce e cundizione di trasportu di i prudutti in cabina, lampate un’ochjata à a nostra pagina furmalità.

Furmalità

Aghju compru robba da manghjà mentre u mo sughjornu. Seranu auturizati o micca in cabina ? (Casgi, Brocciu, Robba purcina, cunfitture…)

Da sapè chì tippi di prudutti sò auturizati in cabina, lampate un’ochjata à a nostra pagina furmalità.

Furmalità

Viaghjui incù u mo zitellu. Possu purtà una vitturuccia à manu sinu à l’aviò ?

Si dipende di e dimensione di a vitturuccia à manu:

  • S’ella si pò mette a vostra vitturuccia à manu incù i vostri ogetti persunali mentre u cuntrollu di sicurezza, a pudete purtà sinu à l’aviò.
  • S’ella ùn currispondenu micca e dimensione di a vitturuccia à manu, parterà versu e valisge fore di misure .

V’invitemu à dumandà infurmazione à l’agente incaricatu di u vostru arrigistramentu.

Furmalità

Viaghju cù u mo cane. Pò imbarcà incù mè inde l’aviò ?

Ogni cumpagnia aerea mette in appiecazione cundizione sfarente per ciò chì tocca à u trasportu di l’animali in cabina. Vi dumandemu di lampà un’ochjata à u situ internet di a cumpagnia ch’è vo avete sceltu per sapè chì animali sò auturizati inde l’aviò.

Chì ducumenti per u viaghju mi tocca à purtà ?

Mentre u vostru viaghju, vi tocca à prisentà un ducumentu naziunale d’identità (cum’è una carta naziunale d’identità, un passaportu sempre validu). V’invitemu à lampà un’ochjata à u situ di u ministeru di i Trasporti, à quellu di u ministeru di l’Affari Esteri o à cuntattà a vostra cumpagnia aerea.

Aghju persu un ogettu. À quale mi tocca à cuntattà ?

Avete persu o vi site scurdatu di un ogettu in a sala di l’imbarcu, andate per piacè à rinsignà vi à u scagnu d’infurmazione di a Camera di Cummerciu è d’Industria di u Cismonte, o telefunendu à u 04.95.65.88.88.

Avete persu o vi site scurdatu di un ogettu inde l’aviò, cuntattate per piacè a cumpagnia ch’è vo avete sceltu per u vostru viaghju.

À quale mi tocca à cuntattà s’eo aghju persu a mo valisgia? È s’ella hè stata sciappata a mo valisgia ?

In casu di « Perdita o di Cuntestazione per e valisge», vi tocca à cuntattà a cumpagnia aerea chì hà assicuratu u vostru viaghju o a sucetà incaricata di l’assistenza à terra di a cumpagnia aerea o l’urganisatore di u vostru viaghju.

Perdita e cuntestazione per i bagagli

Chì furmalità di viaghju mi tocca à rispettà per u mo animale ?

Accade ch’elle cambiinu secondu e cumpagnie aeree e furmalità di viaghju per un animale.

Chì servizii si pò truvà inde l’aerostazione ?

Da scopre i servizii di l’aeroportu, in a rubrica « Accessu è Servizii » lampate un’ochjata à a pagina « Servizii pratichi ».

Servizii pratichi
Possu purtà medicine inde u mo saccu ch’eo tengu incù mè ?

Sò auturizate in cabina e medicine liquide o quelle chì anu una forma di pasta s’è vo avete un’urdinanza. S’elle anu un cuntenutu di menu di 100 ml isse medicine ponu esse traspurtate in a cabina. E medicine zeppe sò auturizate è ùn anu micca bisogna d’urdinanze.

Furmalità

Chì sò l’orarii di apertura di l’aeroportu ?

Hè apertu l’aeroportu da u primu sinu à l’ultimu volu.

Induve possu imbrancà u mo telefuninu da ricaricà lu ?

Pudete truvà terminali di ricarica inde l’aerostazione è in a sala di l’imbarcu.

Inde l’aerostazione mi possu cunnettà à internet ?

Inde l’aerostazione una cunnessione WIFI ci hè. Ci si pò accede inde l’aerostazione è in a sala di l’imbarcu. Da pudè vi cunnettà, seguitate per piacè u prucedimentu di accessu.

Ci hè una cunsegna per i bagaglii inde l’aeroportu ?

Ùn ci sò micca cunsegne per e valisge inde u nostru aeroportu.