Puntu maiò d’entrata è vitrina di u cismonte !
A piattaforma aeroportuaria Calvi Santa Catalina, mudernisata è più grande, hè oramai l’arnese maiò per u so rughjione, ch’ella rende attrativu, è chì cuntribuisce à prumove u turisimu.
Di sicuru, li tuccherà à risponde à i bisogni è à i mutamenti di una pulitica di i trasporti chì cerca à sviluppà scambii è leie sicure trà a Corsica, e metropuli regiunale principale è e capitale aurupee.
Megliurà u cunfortu è a securità di i passaghjeri, accumudà i so tramuti, diversificà e cunnessione trà l’isula è e rete naziunale è internaziunale. Tale sò i principii è l’ambizione di a Camera di Cummerciu è d’Industria di Corsica.
A Camera di Cummerciu è d’Industria di Corsica gestisce l’aeroportu di Calvi Santa Catalina. A Cullettività di Corsica hè prurpietaria è accurdente di a piattaforma aeropurtuaria.
A CCI DI CORSICA, GESTIUNARIA, HÀ 4 MISSIONE DI PRIMURA :
Sfruttà : fà chì ogni mezu necessariu sia messu à a dispusizione di i clienti da ch’elli pudessinu praticà e so attività in un quadru securizatu è sicuru (aerostazione, aree di manuvre, parcheghji, infurmazione per i passaghjeri, cummerci è servizii, banche è spazii di arrigistramentu, cuntrolli di i passaghjeri è di e valisge in pagliolu).
Investisce : stabilisce, incù e culletività publiche è u persunale sapinatu, a pulitica d’investimenti à mezu andà è praticà a maestria d’opera.
Prumove : rinfurzà è participà à u svilippu di a rete di e linee regulare è “charter”. Cuntribuisce à a prumuzione turistica di a regione.
Cuurdunà : praticà e so cumpetenze aeropurtuarie in cullaburazione incù l’inseme di l’attori istituziunale è prufessiunale regiunale . À fiancu à ella, u Statu mentene a carica di a securità è di navigazione aerea.