Truvarete u listinu di e solite dumande chì omu si pone !
Induve possu truvà un carrettu per i mo bagaglii ?
I carretti sò davanti à l’aerostazione vicinu à u latu di e partenze.
Sò una persona à mubilità sminuita. Chì mi tocca à fà ?
E mudalità PHMR e pudete truvà in issa rubrica :
In quantu à i prudutti liquidi ch’eo vogliu purtà in cabina, chì regule mi tocca à rispettà ?
In cabina ci pudete purtà prudutti liquidi patti è cundizione ch’elli cuntenghinu menu di 100 ml è ch’elli pesinu menu di 100 g. da cunnosce e cundizione di trasportu di i prudutti in cabina, lampate una ochjata à a nostra pagina furmalità.
Aghju compru robba da manghjà mentre u mo sughjornu. Saranu auturizati o micca in a cabina ? (Casgi, Brocciu, Salameria, cunfitture…)
Da sapè chì tippi di prudutti venenu auturizati in a cabina, lampate una ochjata à a nostra pagina furmalità.
Viaghju cù u mo zitellu. Possu purtà una vitturuccia da ciucci finu à l’aviò ?
Si dipende di e dimensione di a vitturuccia :
- S’ella si pò mette a vostra vitturuccia da ciucci incù i vostri ogetti persunali mentre u cuntrollu di sicurezza, a pudete purtà finu à l’aviò
- S’elle ùn currispondenu micca e dimensione di a vitturuccia, venerà avviata ver’di i bagaglii chì trapassanu e dimensione.
V’invitemu à chere infurmazione à l’agente incaricatu di u vostru arrigistramentu.
Viaghju cù u mo cane. Pò imbarcà cù mè inde l’aviò ?
Ogni cumpagnia aerea mette in appiegazione cundizione sfarente per ciò chì tocca à u trasportu di l’animali in a cabina. Vi dumandemu di lampà una ochjata à u situ internet di a cumpagnia ch’è vo avete sceltu da sapè chì animali venenu auturizati inde l’aviò.
Chì ducumenti per u viaghju mi tocca à purtà ?
Mentre u vostru viaghju, vi tocca à prisentà un ducumentu naziunale d’identità (cum’è una carta naziunale d’identità, un passaportu sempre validu). V’invitemu à lampà una ochjata à u situ di u ministeru di i Trasporti, à quellu di u ministeru di l’Affari Esteri o à cuntattà a vostra cumpagnia aerea
Aghju persu un ogettu. À quale mi tocca à cuntattà ?
Avete persu o vi site scurdatu di un ogettu in a sala di l’imbarcu, andate per piacè à rinsignà vi à u bancu infurmazione di a Camera di Cummerciu è d’Industria di u Cismonte, o teleffunendu à u 04.95.65.88.88
Avete persu o vi site scurdatu di un ogettu inde l’aviò, cuntattate per piacè a cumpagnia ch’è vo avete sceltu per u vostru viaghju.
À quale mi tocca à cuntattà s’eo aghju persu u mo bagagliu ? è s’ellu hè statu dannighjatu u mo bagagliu ?
In casu di « Perdita o di Cuntestazione per i bagaglii », vi tocca à cuntattà a cumpagnia aerea chì hà assicuratu u vostru viaghju o a sucetà incaricata di l’assistenza à terra di a cumpagnia aerea o u Viaghjaghju chì hà appruntatu u vostru viaghju.
Chì furmalità di viaghju mi tocca à rispettà per u mo animale ?
Accade ch’elle cambiinu segondu e cumpagnie aeree e furmalità di viaghju per un animale.
Chì servizii si pò truvà inde l’aerostazione ?
Da scopre i servizii di l’aeroportu, in a rubrica « Accessu è Servizii » lampate una ochjata à a pagina « Servizii pratichi ».
Possu purtà medicine in i bagaglini ch’eo tengu cù mè ?
Venenu auturizate in a cabina e medicine liquide o quelle chì anu una forma di pastetta s’è vo dispunite di l’urdinanza. S’elle anu un cuntenutu di menu di 100 ml isse medicine ponu esse traspurtate in a cabina. E medicine sode sò auturizate è ùn abbisognanu l’urdinanze.
Chì sò l’orarii di apertura di l’aeroportu ?
Hè apertu l’aeroportu da u primu finu à l’ultimu volu.
Induve possu imbrancà u mo telefuninu da ricaricà lu ?
Pudete truvà terminali di ricarica inde l’aerostazione è in a sala di l’imbarcu.
Inde l’aerostazione mi possu cunnettà à internet ?
Inde l’aerostazione una cunnessione WIFI ci hè. Ci si pò accede inde l’aerostazione è in a sala di l’imbarcu. Da pudè vi cunnettà, seguitate per piacè u prucedimentu di accessu.
Ci hè una cunsegna per i bagaglii inde l’aeroportu ?
Cunsegna per i bagaglii ùn ci ne hè in u nostru aeroportu.
